Проститутката која го сакаше својот мевосек!

29.06.2015 14:49
Проститутката која го сакаше својот мевосек!

„Проститутката која го сакаше својот мевосек!“ објавена во едицијата Градот на издавачката куќа Темплум содржи околу 70 колумни на Бранко Тричковски напишани последниве две и пол години. Во книгата се застапени и четириесетина илустрации („монтажи“) на Свирачиња, така што книгата всушност е авторско дело на Бранко Тричковски и на Свирачиња.

Извадок од предговорот на книгата:

Феноменот на ВМРО е можен само во средини со ниска политичка култура, да не речам во политички неписмени средини. Во средини со плитка култура и плитко граѓанско напластување, без или со скромна традиција на држава, на управа, на институции, во искомплексирана срдина! Нашиот проблем не е појавата на ВМРО по седумдесет или осумдесет години хибернација, ниту е тоа политичкиот и идејниот профил на злосторничката организација, туку тоа што вмро наиде на хармонија со чувствата и резоните на голем дел од општеството, наиде на спремноста луѓето да се препуштат на чувствата и краткотрајните бенефити и по цена на сопствената смрт; наиде на неспремност да се препознае злото! Кај еден дел од луѓето дури можеше да се препознае тенденција за ослободување од строгоста на државата и препуштање во строгоста на партијата како покомотна строгост!

ВМРО и Македонија можат да одат заедно само како убиец и жртва.

(...)

Затоа се залагам за темелна девмровизација како клучен услов за редефинирањето на Македонија и посебно на Македонците. Ако преживее во ваква форма, Македонија ќе продолжи да биде хендикепирачки фактор за луѓето, односно апсолутно штетна формација!

Скопје, јуни 2015

Авторот

Слични содржини

ОкоБоли главаВицФото