НОМАД танц академија

На 13 март во Скопје пристигна трета генерација на учесници/студенти на едукативната програмa на НОМАД танц академија.

НОМАД танц академија е проект за развој на современиот танц на Балканот и се состои од програми за едукација, истражување и продукција.

Студентите, учесниците на едукативната програмa ќе имаат можност да учат, патуваат, живеат и работат заедно во период од четири месеци и преку тоа да создадат мрежа за понатамошна уметничка соработка.
Учесници на НОМАД Едукативната програма 2010 се: Пјер Ив Диакон, Елеонор Ришард (Швајцарија), Флориан Веселс (Германија), Маја Леви (Израел), Климент Попоски, Викторија Илиоска (Македонија), Јана Јевтовиќ, Јована Ракиќ (Србија), Еста Маткович, Мартина Рукавина (Хрватска) Домен Шега, Инти Шрај (Словенија), Катерина Канчева и Красимира Бакардиева (Бугарија).

Едукативниот дел од програмата во Скопје ќе се одвива во периодот од 13 до 31 март 2010. Програмата продолжува во Софија, Белград, Кањижа, Загреб, Птуј и Љубљана. Програмата завршува со Short Cuts (Кратки Резови) на 18, 19 и 20 ти јуни во Љубљана каде учесниците ќе се претстават со своите дела кои ќе ги креираат како дел од овој програм.

НОМАД Едукативната програма е направена со цел да се поттикне, развие и поддржи размената, соработката, едукацијата и креацијата во полето на современиот танц на Балканот.

Едукативната програма 2010 се состои од модулите Креацијата како процес, Колективна уметничка креација, Kреирање во јавен простор, Креирање во другите медиуми, менторски процес на развој на авторски креации Short Cuts (Кратки Резови), како и предавања, работилници, дискусии и дебати реализирани во соработка со истактанати регионални и интернационални кореографи, танчери, уметници, теоретичари, драматурзи, продуценти, културни работници итн.

Предавачи на овогодинешната Едукативна програма се: Биљана Тануровска-Ќулавковски, Соња Здравковска-Џепароска, Искра Шукарова, Деан Дамјановски, Елена Марчевска, Мартин Сондеркамп, Рок Вевер, Драгана Алфиревиќ, Горан Богдановски, Вили Прагер, Ива Свештарова, Стефан Штереф, Бојан Манчев, Галина Борисова, Ани Васева, Далија Ачин, Грегор Луштек, Јелена Весич, Јанез Јанша, Дејан Срхој, Александра Јанева Имфелд, Маја Џуринович, Нерина Сибила, Јасенко Расол, Марсел Марс, Јака Шименц, Томаж Штруцл, Бране Зорман, Андреј Интихар, Тамара Брачич, Игор Меџугорац, Миха Клинар, Зоран Грабарац.

* * *

Едукативната програма во Скопје се состои од: работилници со Горан Богдановски, Дејан Срхoј и Рок Вевар (Словенија) во рамките на кои учесниците ќе имаат можност да се запознаат со некои методи за развој на концепт за перформанс; шест дневна работилница со Мартин Сондеркамп (Германија) која се фокусира на прашања како размислувањето го обликува телото и како телото го обликува начинот на кој ние размислуваме; шест дневна работилница со Драгана Алфиревиќ (Словенија/Србија) и Елена Марчевска (Македонија/Англија) за “Процесот како производ” во чии рамки ќе се истражува потенцијалот на процесот и како креативната пракса да се претвори во теоретски истражувачки контекст; oтворена дискусија/презентација “Современиот танц во Македонија - инцидент или сцена?” со Соња Здравковска -Џепароска, Искра Шукарова и Деан Дамјановски, модерирана од Биљана Тануровска-Ќулавковски како и работилница за “Проект менаџмент во култура” со Биљана Тануровска Ќулавковски (Македонија).

Деталната Едукативна програма во Скопје можете да ја најдете на веб страната на Локомотива: www.lokomotiva.org.mk.

* * *

НОМАД ТАНЦ АКАДЕМИЈА е дел од активностите од проектот JARDIN D’EUROPE (http://www.jardindeurope.eu/).

Проектот НОМАД ТАНЦ АКАДЕМИЈА во 2010 година е поддржан од Швајцарска Програма за култура во Западен Балкан, Програмата култура 2007-2013 на Европска Унија, Министерство за култура на Република Македонија и Градот Скопје.

Партнери на НОМАД танц академија се: Танцеларија (Босна и Херцеговина), BrainStore Project (Бугарија), Tala Dance Center (Хрватска), Локомотива (Македонија), Станица (Србија) и Фичо Балет (Словенија).