Прашувалки (1)

Отворање школки

Како најлесно се отвораат школки?
-Ги ставаш пред телевизор и чекаш малку додека не почнат да се прозеваат.

Зошто морето не се прелева

Зошто морето не се прелева преку сите брегови?
- Бидејќи во него има сунѓери.

Погрешно

Кој збор секогаш се изговара погрешно?
- Погрешно.

Камуфлажа

Кое куче се огласува со „Мјау“?
- Камуфлирано полициско куче.

Мал си за тоа!

Што му рекол големиот оџак на малиот?
- Премногу си мал да пушиш!

Познајник

Што е познајник?
- Особа која доволно добро ја познавате за од неа да позајмите пари, но која недоволно ја познавате за вие нејзе да ѝ позајмите пари.

Темна комора

Зошто глупак чува прегорени сијалици?
- За да ги употребува во темна комора.

Ни да имаш, ни да изгубиш

Што е тоа што ниеден маж не сака да има, но не сака ни да го загуби?
- Ќелава глава.

Прасе за Нова година

Што најмногу ве радува при дочекот на Новата година?
- Тоа што не сте прасе.

Фрустрираното девојче

Кој ги измислил чевлите со високи потпетици?
- Девојчето коешто малку пред тоа го бакнаа в чело.

Будност

Што треба да се прави за да се остварат сништата?
- Треба да се остане буден.

Тело во вода

Што се случува кога човечкото тело ќе се потопи во вода?
- Заѕвонува телефонот.

Тесни чевли

Како своите маки да ги сведете само на една?
- Облечете тесни чевли.

Спиење на волан

Што треба да правите за никогаш да не остарите?
- Треба да спиете на волан.

На прсти

Како монструмот брои до петнаесет?
- На прсти.

Уф, уф, уф!

Кој при чекорењето зборува: „Уф, уф, уф, уф, уф, уф, уф, уф“?
- Октопод во тесни чевли.

Излегување од мода

Какви чекори се слушаат од шкафот?
- Женските чевли излегуваат од мода.

(продолжува)

Гифови: James Kerr