Јакимовски клевети зашто си ја има мувата на капата

23.09.2015 11:53
Јакимовски клевети зашто си ја има мувата на капата

Градоначалникот на Карпош, Стевче Јакимовски, се обидува да нè оцрни со тоа што вели дека сме политички мотивирани. Но да беше политички писмен, ќе знаеше дека сите граѓани се горе-долу политички мотивирани, оти сè е политика: дали сметате дека високото образование треба да е бесплатно е политика, дали сметате дека абортусот треба да е легален е политика, дали сметате дека марихуаната треба да се легализира е политика, дали сметате дека градот треба да изгради велосипедски патеки е политика, итн... Политичката свесност на граѓаните покажува прогресивност и не е нешто што треба да се оцрни.

Тоа што градоначалникот сакал да го каже е дека сме ПАРТИСКИ мотивирани. Ова оцрнување и клеветење доаѓа од партиски човек што бил член на три партии во животот. За разлика од него, ние сакаме само да си ја спасиме населбата од нечии алчни апетити.

И на крајот, градоначалникот е повторно непрофесионален и несовесен кога мисли дека може да ни ги замачка очите со тоа што ќе каже дека „ГАРАНТИРА“ нешто со збор. Дури и да веруваме на смешниот концепт на политичарот што ветува и исполнува, кој гарантира дека следниот градоначалник нема да ги исполни плановите во ДУП-от што според Стевче се „фиктивни“? И на крајот на краиштата, зошто толку се плаши да ги чуе нашите аргументи, да свика собир на граѓани и ДУП-от да го врати во фаза на јавна расправа?

Кој се плаши и клевети си ја има мувата на капата.

Извор: Фејсбук профилот на авторката
Слика: Странски служби

Слични содржини

Активизам / Јавни Простори
Активизам / Јавни Простори / Екологија
Активизам / Јавни Простори / Екологија

ОкоБоли главаВицФото