Removed

Американскиот фотограф Ерик Пикерсгил во серијата фотографии „Removed“ ги отстрани паметните телефони и дигиталните уреди од портретите кои го отсликуваат секојдневниот живот на моделите што позираат. Во овој проект, тој има цел да ја прикаже неверојатната човечка зависност од технологијата и хиперконективноста која доведува до отуѓување.

„Членовите на семејството што седи до мене во Illium café во Њујорк се тотално исклучени едни од други. Нема многу зборување. Таткото и двете ќерки ги извадиле своите телефони. Мајката или нема свој или избрала да го тргне настрана. Зјапа низ прозорецот, тажна и сама во друштво на најблиското семејство. Таткото ја крева главата само за да сподели некоја опскурна информација што на нашол на интернет“, ја опишува Пикерсгил сцената што го инспирирала да ја направи серијата фотографии „Removed“.

Извор: ericpickersgill.com