Ноември - месец посветен на брадата

Ако овој период сте во потрага по инспирација по повод ноември, месецот посветен на брадата, погледнете ја серијата фотографии на уметничкото дуо Стејси и Пирс Тиот, со наслов Will It Beard. Овој интригантен проект ја користи густата брада на Пирс како неконвенционален простор за создавање на фотографии кои истовремено се уметнички и комични.

Поточно, креативното дуо ужива во измислувањето и наоѓањето колку што е можно повеќе различни и случајно одбрани објекти кои можат да се вклопат во густата брада на Пирс.

Цвеќиња со интензивна боја, пластични стапчиња за правење меури, бонбони, минијатурни играчки, витлери, па дури и лего коцки, се само неколку од чудните предмети кои се поставени во брадата и брковите на фотографот.

Дуото Тиот исто така сакаат да им посветуваат внимание на различни празници како што е Ноќта на вештерките и Велигден, а подготвуваат и други сезонски дизајни на разновидни теми.

Ако имате необична идеја која сакате да им ја предложите на овие уметници, за тие да ја имплементираат, едноставно оставете коментар на нивниот Инстаграм и тие ќе знаат што следно сакате да видите од нив.

Извор: willitbeard.com