Накит направен од книги

Британскиот дизајнер на накит, Џереми Меј е голем љубител на книги. Но, за разлика од повеќето, тој не сака само да ги чита, туку, покрај тоа, ги користи како материјал за дизајнирање накит.

Според авторот, таквиот „литературен“ накит е многу пооригинален од вообичаениот накит од злато и сребро, и оние кои ќе го носат, нема да останат незабележани.

Необичните декорациите се произведени на еден уникатен начин, преку процесот на ламинација. Исечоци од страниците на книги се ламинирани и обложени со сјај и потоа додадени во книгата, на местото од каде што биле преземени.

Излегува дека книгата станува материјал за декорација, а потоа и еден вид на кутија за чување на накитот. Оваа уникатна колекција вклучува прстени, обетки, ланчиња.
Секое парче е единствено и уникатно и невозможно е да се реплицира.

Специфичноста и убавината на овој накит се состои во тоа што текстот и сликите се појавуваат низ целиот предмет, низ целата негова површина. На тој начин тие даваат една таинственост и привлечност, кои предизвикуваат да се дознае што стои во внатрешноста на книгата, а потоа и да се дознае од каде доаѓа текстот или сликата кои се наѕираат на накитот.

Извор: www.beautifullife.info