Мини-светови од стакло

Британската уметница Џени Аиртон изработи серија малечки сцени од секојдневниот живот во блокови од стопено стакло. Повеќето од фигурите ја прикажуваат симпатичната страна на секојдневниот живот, а Аиртон ги создала под влијание од сопственото опкружување.

Таа најпрво прави мали модели од жица и метал кои ги украсува со детали, а потоа ги става помеѓу две парчиња загреано стакло. Откако стаклото ќе се олади, таа ја бруси стаклената површина, а потоа следува завршното полирање.

Извор: www.jennyayrton.co.uk