„Верникот“ Тодор Петров

Тодор Петров ни соопшти: „Киро Глигоров денес гние на Бутел, набргу друштво ќе му прави и Бранко Црвенковски“.

Дали мислите дека ова се зборови на еден вистински верник?

1. Ако веќе е верник, на гробиштата во Бутел гнијат земните останки на починатиот, а неговата душа се наоѓа на некое сосема друго место.

2. Ако е вистински верник, тогаш Бог е крајниот судија на човечките грешки, а не човекот.

3. Ако е вистински верник, тогаш се употребува јазикот на љубовта, а не јазикот на омразата.

4. Ако е вистински верник, световните работи му се на втор план, зад верските.

5. Ако е вистински верник, треба да има почит кон предците, а не омаловажување.

6. Ако е вистински верник, го врти и другиот образ, а не каменува.

7. Ако е вистински верник, простува, а не бара одмазда.

Ако е вистински верник.

Според изговорените зборови и направените дела, мене повеќе ми личи на чедо на сатаната, кое ги подбуцнува луѓето едни против други, кое ги корумпира, кое се богати на нивен грб, кое тежнее кон власт и моќ на земјата.

Не знам за вас верниците кои не сте ја прочитале Библијата, ама за мене атеистот кој многу добро ја имам проучено, вака ми изгледа. Можеби грешам.

Извор: Фејсбук профилот на авторката
Слика: Александар Ковачевски