1012 hPa
55 %
14 °C
Скопје - Пет, 19.04.2024 12:59
Шарената револуција е најдоброто нешто што некогаш ѝ се случило на Македонија. Таа сплотува и се спротивставува на сивилото на режимот и мртовечкото белило на Скопје 2014.
Шарената револуција е сè што ВМРО не е, таа е мултиетничкост и мултиконфесионалност, различни идеологии вплотени во една цел. Таа е скопско корзо во мај, референдумот за ГТЦ од април лани, битката за Радика, расцветана цреша на „Макси Ѓорѓија, пркос и џунџуле од маџирмаалски двор, боите на Маврово на есен.
Шарената револуција е кул, таа е и љубов и опомена, и желба и непокор. Шарената револуција е спас и темел за една нова, здрава, шарена, просперитетна Македонија. Знајте дека шаренилото ги вклопува и ги слави различностите . Сакам да сум шарен! Доста ми е од сивилото на власта!
Извор: Фејсбук профилот на авторот
Фотографија: Ванчо Џамбаски