Канческа Милевска: примитивизам е да се шлакаат со боја зградите со кои правиме што сакаме

Скопје, 23 април 2016

Министерката за култура, госпоѓа Елизабета Канческа-Милевска, ги повика демонстрантите да не фрлаат боја врз барокните згради, а особено беше иритирана од боењето на зградата на Министерството за култура.

„Зградите од проектот Скопје 2014 се наше културно и историско наследство. А зградата на Министерството за култура е заштитен објект. Не е во ред да се фрла боја врз заштитените згради. Со нив, единствено ние треба си правиме што сакаме“, вели Канческа-Милевска за Пара вести.

Таа ги повика граѓаните да не фрлаат боја врз зградата на македонската влада, бидејќи нејзиниот денешен изглед е плод на макотрпна работа.

„Со години работевме напорно додека да ја преоблечеме некогаш заштитената зграда на Петар Муличковски. Вандализам е таа да се гаѓа со боја“, луто порача Канческа-Милевска.

Слика: Свирачиња