Деликатната убавина на природата зачувана во стаклени приврзоци

Дизајнерката на накит Станислава Коробкова деликатната убавина на природата ја претвора во приврзоци во винтиџ стил. За да го направи тоа, оваа дизајнерка која живее и работи во Даблин, прави креативни потфати во природа и собира мали листови и цветови. Внимателно одбраните растенија ги пресира, со цел да се зачуваат нивните фини детали. Потоа сувите материјали ги сместува меѓу стакло и ги затвора со метални рамки. Нејзините ланчиња се еден деликатен и модерен начин природата да се инкорпорира во секојдневна облека.

Природата е постојана инспирирација за уметничкиот процес на Коробкова. „Неверојатно е да се зачуваат сите тие мали природни богатства кои ќе се соберат во текот на пролетта и летото и на истите да им се даде нов живот“ – пишува таа. „Мислам дека природата веќе создала неверојатни и прекрасни работи, и сè што треба да се направи е да се најде соодветна рамка за нив и да се сочува нивната убавина за да може да трае со години.“

Извор: www.etsy.com