Мајката на Борјан: Мојот син доби уште 30 дена притвор, но не можат да му ги скршат крилјата

29.04.2016 13:05
Мајката на Борјан: Мојот син доби уште 30 дена притвор, но не можат да му ги скршат крилјата

Пријателите на Борјан по протестот го посетија неговиот дом, носејќи маици со натпис „Сите сме Борјан“. Фото: Фејсбук профилот на авторот.

 

Борјан Ефтимов, еден од приведените од протестите по 8 дневниот притвор, сега доби и плус 30 дена домашен притвор.

Се огласи неговата мајка, која напиша:

Почитувани пријатели, Можете „мирно“ да ги прославите празниците што претстојат бидејќи еден од „најголемите“ криминалци во нашата кутра земја денеска (после изречениот 8-дневен) доби уште 30 дена домашен притвор, односно забрана да се оддалечува и да го напушта домот каде што живее.

За оние кои не знаат, се работи за мојот првороден син, Борјан Ефтимов (не Бориан, и не Афтимов, како што го пишуваат куририте).

Оваа мерка му е изречена заради учество во толпа во одбрана на демократијата и слободата, дело кое тој во целост го признава и за кое по добиената покана за разговор во полициска станица самиот се јави. Уште лани додека се бореше за правата на средношколците беше етикетиран и уценуван. Сега, како студент на Правниот факултет Јустинан први во Скопје, кога се залага за еднаквост и правичност на сите граѓани во татковината, на диктаторскиот режим многу му пречи.

Мојата гордост, мојот син, е воспитан во духот на слободната мисла и демократијата. Му ја ограничуваат слободата на движење, но не можат да му ја ограничат иднината и младоста, не можат да му ги скршат крилјата и не можат да му го исперат мозокот. Тој има доволно љубов и поддршка од семејството и пријателите, многу ја сака родната земја и затоа ПРОТЕСТИРА. Бидејќи е чесна, нормална и изградена личност која во секој момент знае што сака и каков живот сака да живее, јас многу го ценам и на сите од сè срце ви посакувам да одгледате такви деца и внуци.

П.С. На сите оние кои се прават дека живеат на Месечината и се задоволуваат со турски серии и празни кафе муабети - среќни празници, а останатите освестени хулигани и хулиганки, се гледаме секој ден во 6 пред СЈО.

Нема правда нема мир!

Извор: A1он

Слични содржини

Ирена Цветковиќ

ОкоБоли главаВицФото