Експонат

Опкружена со џагор од луѓе
мојата тага,
бесрамно изложена
како голо тело на пазар на робови
без каков било заклон,
чека откуп.

Времето им тече пријатно и брзо
додека купуваат само пробрано и проверено.

Гледам како останувам
последен експонат.
Нелагодата преминува во страв,

ќе ме дадат
бадијала.

Препев: П. В.

Диана Буразер (1953), по образование математичарка, е хрватска поетеса со само шест стихозбирки. Склона кон јазичните игри и досетки, скржава во изразот и лексиката, изразито сугестивна и мошне шармантна. За своите песни повеќе пати е наградувана.