Незадоволни од бетонот, од ВМРО-ДПМНЕ во иднина ќе ги градат ставовите од стиропор

18.05.2016 15:58
Незадоволни од бетонот, од ВМРО-ДПМНЕ во иднина ќе ги градат ставовите од стиропор

Скопје, 18 мај 2016

Бидејќи бетонот се покажа како недоволно цврст материјал со сомнителен квалитет, во иднина ВМРО-ДПМНЕ ќе ги гради своите ставови од стиропор и гипс-картон, изјави Илија Димовски на денешната прес конференција одржана пред седиштето на партијата.

„Дури и да се одржеа избори на 5 јуни, како што најавувавме, се покажа дека бетонот не е доволно квалитетен материјал, со оглед на тоа дека претходно веќе ги одложивме изборите неколку пати“, рече Димовски.

Тој објаснува дека материјалот попуштил и во други бетонирани ставови и одлуки на партијата, што на долг рок може да ги доведе во опасност членовите на партиското раководство.

„Поради овие проблеми, решивме во иднина да ги градиме ставовите од стиропор, гипскартон и од едно што личи како да е мермер, ама не е мермер“, открива Димовски за Пара вести.

Извори од партијата кои сакаат да останат анонимни тврдат дека раководството на партијата ја разгледувало можноста како материјал да се користи и пластелинот, но ниту еден член на ВМРО-ДПМНЕ не сакаше да ја коментира темава за Пара вести.

Слика: Свирачиња

Слични содржини

ОкоБоли главаВицФото