(ВИДЕО) Мехмети: Чавков, џабе снимаш, не се плашиме, ќе ви шараме сè по список

Шарената револуција е општествена евалуација, таа е колективен глас на разумот во овие апсурдни времиња. Таа е најголемиот кошмар за фашизоидните шизофреници и нивните без’рбетни слуги. Ние овде и сега ја пишуваме историјата на граѓанска Македонија, на праведна Македонија, на Македонија во која криминалците одат во затвор, рече на вчерашниот протест Замир Мехмети, активист и брат на пратеничката Ермира Мехмети.

„Господине Чавков, ќе ви се обратам директно, бидејќи вас ве реизбраа за да нè уплашите. Овој народ е разбуден и ќе ви ишараме сè по список. Џабе ни праќаш полицајци во цивилка тука да нè снимаат, не нè плашите и не се криеме. Џабе повикувате граѓански активисти на разговори, ве плаши овој народ, ова историско будење. Ако ти нè имаш на снмки, ние, да ти кажеме, знаеме дека токму ти ја организираше акцијата во Куманово. Прашање на време е кога ќе се соочиш со народот!“, рече Мехмети обраќајќи му се на Митко Чавков.

Извор: A1он