Герила пред Уставен суд

13.06.2016 15:34
Герила пред Уставен суд

Активистите од Шарена револуција со уште една герилска акција вчера го продолжија своето одбројување. Овојпат, тие го испишаа бројот 6 на мостот „Око“, пред Уставниот суд, потсетувајќи ја власта дека остануваат уште шест денови за исполнување на нивните барања.

Освен барањето Уставниот суд да се произнесе за уставноста на СЈО и да запре прогонот врз демонстрантите, активистите имаат уште неколку барања од власта:

• Оставка од актуелната влада на ВМРО-ДПМНЕ и ДУИ и формирање на преодна влада која докрај ќе ги спроведе итните реформски приоритети од извештајот на Прибе и ќе создаде услови за фер избори;

• Формирање на специјално одделение во кривичниот суд, надлежно за случаите под јурисдикција на СЈО;

• Задолжително вклучување и присуство на независни претставници на граѓанското општество во процесот на решавање на кризата;

• Процесот на решавање на кризата да се одвива на територија на Република Македонија;

• Оставка на Ѓорге Иванов од функцијата Претседател на Република Македонија;

Фотографии: Ванчо Џамбаски

ОкоБоли главаВицФото