Перформанс/предавање на Ваџинал Дејвис во рамки на Викендот на гордоста во Скопје

25.06.2016 12:30
Перформанс/предавање на Ваџинал Дејвис во рамки на Викендот на гордоста во Скопје

Во рамки на Викендот на гордоста Скопје 2016, на 25 јуни (сабота) со почеток во 21 часот во Кино Култура ќе се одржи перформанс/предавање на светската икона на квиркор панк движењето, перформансот и терористичкиот дрег – Ваџинал Дејвис (САД) - Sassafras, Cypress & Indigo-Black Screen Images and the (e)motive Notion of Freakiness.

Ваџинал Дејвис е иницијатор на хомо-кор панкерското движење и родово-квир уметничка и музичка икона. Нејзините концептуални бендови, меѓу кои Pedro Muriel и Esther, Cholita! The Female Menudo, црно знаме и The Afro Sisters оставија трајно влијание врз развојот на андерграунд музиката. Како Рон Ати, г-ца Дејвис ја изгради својата кариера во клупската изведувачка сцена на Лос Анџелес, и создаде слична репутација како културен антагонист и еротски провокатор. Дејвис е плодна продуцентка на клупски перформанси, видео и фотокопирани списанија (zines) како и други форми на антагонистички евтини дела од суштинско влијание. Ваџинал Дејвис е клучна поборничка на подривачката перформативна естетика позната како терористички дрег. Повеќе информации за Vaginal Davis: www.vaginaldavis.com

„Сасафрас, Сајпрес и Индиго блек скрин имиџис и (е)мотивниот Поим на фрикството“ е изведба-предавање на Ваџинал Дејвис – меѓународно почитуваната интерсексуална доајенка на интермедиумските уметности и науки. Таа го крева јавниот дискурс на тринаесеттиот степен на дементност додека го објаснува квир и блатино искуството на сопствен начин што не се имитира, создавајќи нови зборови од магла и, како бик во стакларијата на Мадам Мау, растура и гази по претставите за пристојноста и стварноста.

„Викенд на гордоста“ е во организација на Коалицијата Сексуални и здравствени права на маргинализираните заедници и ЛГБТИ-Центар за поддршка при Хелсиншкиот комитет.

Партнери на годинешниот Викенд се Младинскиот образовен форум – МОФ и Кино Култура (Локомотива). Поддржано од Амбасадата на САД и Амбасадата на Франција.

Слични содржини

ОкоБоли главаВицФото