Роберт Алаѓозовски: Ќе одговарате за злосторството што го направивте врз културното наследство со Скопското Кале!

21.09.2016 18:00
Роберт Алаѓозовски: Ќе одговарате за злосторството што го направивте врз културното наследство со Скопското Кале!

Прес конференција на Роберт Алаѓозовски, претседател на Комисијата за култура на СДСМ

 

Се наоѓаме на местото на злосторот, Скопското Кале.

Овде, во 2011 година, Никола Груевски, Паско Кузман, и нивниот коалиционен партнер Артан Груби, се обидоа да внесат раздор во меѓуетничките и меѓуверските односи во Македонија.

Во 2013-та ветија дека ќе изградат решение кое што ќе го врати соживотот меѓу Македонците и Албанците. Ветија дека пред три години ќе бидат готови музеите на праисторискиот, средновековниот и на отоманскиот период.

Денес, пет години по инсценираната меѓуетничка пресметка, Скопското Кале не е знаменитост што го краси Скопје. Скопското Кале не е место со сувенирници, со современ пристап за сите туристи, за сите оние што сакаат да уживаат во културното наследство на градот Скопје.

Скопското Кале е место на запуштеност и на забранет пристап. Како што можете и сами да видите, Скопското Кале е обраснато во густа трева. Нема ни места за одмор, а на туристите им е ограничен пристапот дури и до набљудувачниците и кулите.

Ќе одговарате за злосторството што го направивте врз културното наследство со Скопското Кале!

Ќе одговарате за тоа што Скопското Кале го претворивте во симбол на лагата, негрижата и злоупотребата на културното наследство за партиски цели!

Извор: Мактел

Слични содржини

Јавни Простори / Став

ОкоБоли главаВицФото