Дали нашата опсесија со природниот свет настанала поради стекнување на моќ или од љубов?

08.12.2016 11:57
Дали нашата опсесија со природниот свет настанала поради стекнување на моќ или од љубов?

Фотографија на Ричард Рос, Британскиот музеј, Лондон, Англија 1985

Зошто нешто нè погодува додека ги набљудуваме животните? Ја наметнуваме нашата моќ над природата - но истовремено се обидуваме да ја разбереме и заштитиме.

Ние луѓето сакаме да ги набљудуваме другите видови. Сериите Planet Earth II кои се емитуваат на БиБиСи е голем хит. Авторитетниот глас на Дејвид Атенбороу нуди низа неверојатни глетки кои раскажуваат приказни за тајниот животот на животните. Во пооследната секвенца која моето семејство буквално го залепи на екранот стануваше збор за стадо лавови кои бркаат жирафа. Тоа беше една восхитувачка глетка.

Дали навистина е таква? Дали гледањето документарци за природата е просветлувачки обид да се разберат суштествата со кои го делиме егзистенцијалниот простор, или само уште еден пример на наметнување на моќ над животните и стекнување знаење за нив, што е една позната практика својствена за човечките суштества. Класификација, контролирање, како и дерење и нивно препарирање во името на науката?

Изложбата која неодамна беше отворена во Wellcome Collection во Лондон ги преиспитува овие прашања и тези. Во оваа изложба насловена Making Nature: How We See Animals, не станува збор за природната историја во смисла на набљудување и испитување на конкретно животно, однесување, или еволуција. Наместо тоа, фокусот е ставен на психологијата на тоа како ние ги перцепираме другите видови.

Изложбата почнува со Карл Лине (1707-1778), таткото на модерната историја на природата, кој прв го класифицирал знаењето за природниот свет. Лине ги класифицирал флората и фауната во големите поделби и подподелби на природниот свет, кои сè уште се користат во науката денес: семејство, род и вид. Без Лине ние дури и не би го имале научниот концепт на видовите, така што Чарлс Дарвин никогаш не би теоретизирал околу потеклото на видовите. Во Making Nature има риби собрани од страна на самиот Лине, позајмени од Linnaean Society во Лондон. Сето тоа е собрано во една книга, пресирани и сушени, рибите изгледаат како кафеави фосили во карпа. Можно е да се стари милиони години. Всушност, тие пливале во морињата на осумнаесетиот век.

Systema Naturae, Карл Лине, 1735 година

Лине во оваа изложба ја претставува човечка потреба да ја „подредува“ природата, да ја најде смислата на природниот свет, а можеби со тоа и да ја совлада. Музејските експонати, вклучувајќи го и оној фантастичен викторијански изум, Природонаучниот музеј, се испитувани не за она што го учат, туку за тоа како го дефинираат и обликуваат начинот на кој ги гледаме животните. Оној чуден свет на зоолошките градини и нивната архитектура, исто така се одржува поради критичка опсервација.

Контрастно на тоа, главниот јунак на изложбата е Антоан Јејтс. Во 2003 година, Јејтс мораше да оди на сериозен медицински третман, откако беше нападнат и раскинат од своето милениче тигар. Се испостави дека тој со години го чувал тигарот Минг, во голем стан во згради каде што не се дозволени домашни миленици. Покрај тоа, Јејтс имал и алигатор. Видеото на Филип Варнел ја реконструира оваа необична ситуација. Тигар кружи низ станот, душка низ мебелот како некој надреален натрапник во човечкиот дом.

Младенчиња на лисица, Питер Спајсер, препаратор во Лемингтон Спа, 1875 година

Ако Лине го подреди природниот свет, Јејтс создаде еден крајно смешен хаос. Тој ги смести луѓето и животните кои се способни да изедат човек во ист стан, крајно поткопувајќи го секое правило и претпоставка. Наместо да биде зад стакло во зоолошка градина, тигарот влезе во човечкиот свет. Замислете како би изгледало да сте негов поштар.

Идејата дека со подредување на природата ние ја контролираме се навраќа на теориите на Мишел Фуко од 1960-тите години. Таа, исто така, се разбира, зборува и за нашата вина за штетата што ѝ ја правиме на планетата. Но, опсервацијата на природата е сигурно најмалку деструктивното нешто кое луѓето му го прават на природниот свет.

Далеку од порнографија на моќта, сликите од природата создадени од природно-историските музеи, па дури и зоолошките градини, во поголем дел, нè носат поблиску до природниот свет. Колку повеќе знаеме за природата, толку помалку сакаме да ја повредиме.

Набљудувањето и испитувањето на животните е нешто што не можеме да престанеме да го правиме. Стекнувањето знаење за нив е рационално продолжение на тоа љубопитство. Лине овозможил да се развие едно ново разбирање на природата, и последниот плод на таа просветлувачка потрага е документарецот „Планетата Земја II“. Дали е тоа само еден луксузен начин на прикажување на материјал кој е наменет само да забавува и информира и кој на некој начин придонесува во уништувањето на природата? Јас не мислам дека е тоа така. Перцепирајќи ги животните значи дека се грижиме за она што се случува со нив. Опсервацијата не е само средство за контрола. Таа може да го пробуди окото на љубовта.

Додека Лине се занимавал со класифицирање на природата, Вилијам Хогарт изгравирал една ужасна сцена на човековиот презир кон нашите пријатели животните. Гравурата на Хогарт со наслов „Прва фаза на суровоста“(1751) прикажува момчиња во една улица во Лондон кои им нанесуваат монструозни тортури на мачки и кучиња. Дали суровоста кон животните од овој вид која била вообичаена во предмодерното време била толку голема како што Хогарт ја претсавува на ова дело? Неговата поента, како и нашата, е да се покаже дека сето тоа е одвратно. Почнувајќи од суровоста кон мачки, неговиот антихерој Том Неро напредува во оваа серија гравури до убиство на една жена. Едно насилство раѓа друго.

Птичја песна нотирана во Атанасиј Кирхер, Musurgia Universalis, 1650.

Таквите идеи биле нови во осумнаесетиот век. Сликарот Џорџ Стабс оди чекор подалеку од Хогарт, портретитајќи трки на коњи со чувствителноста на авто-портретите на Рембрант. Истото го прави и Антоан Вато кога ја отсликува меланхолијата во очите на едно магаре во неговото ремек-дело „Жил“.

Уметниците кои ги перцепирале животните со такво сочувство и почит се современици на Лине и припаѓаат на истото интелектуално движење: просветителството.

Токму на просветителството и неговото непослушно дете, романтизмот, им ја должиме нашата љубов кон животните. Како што тоа го покажува и историчарот Томас Кит во една класична книга, пред луѓето на осумнаесетиот век да научат да го свртат својот поглед кон „бруталната креација“. Домашните миленици, вегетаријанството и зелената политика се модерни креации кои потекнуваат од просветителството.

Лине, како Хогарт, Стабс и Вато, треба да биде херој за секој кој се грижи за нашата планета. Не можеш да го спасиш она што не можеш да го именуваш. Науката и уметноста ја перцепираат природата не од потреба да доминираат, туку поради желбата да ја разберат. Стабс можел да се смести во умот на еден коњ, за жал, само откако вивисецирал еден, бидејќи знаењето ги буди симпатиите.

Извор:www.theguardian.com

ОкоБоли главаВицФото