Кој си ти

10.01.2017 17:28

Во светот и нашето маало
таква беда досега немало:
не е поголем од стаорец,
со брада на дервиш-итрец -
Кој си ти?

Зошто ѕвераш толку круто?
Што ме гледаш толку луто?
Кој ти даде толкав нос?
Само за да зрачи пркос.
Кој си ти?

Не се мрда, мирно стои,
како стравот да го крои,
раката се стега в удар
вражар ли е, мурдар -
кој си ти?

Тагува, гладува, врагува?
Од кутијата не излегува.
Бегај! - Или јас ќе побегнам!
Само тоа кажи џанам -
Кој си ти?

Дал си кепец, ил си џин?
Дал си мртов, ил си жив?
На челото зло ти читам,
Ма слушаш ли, прашувам:
Кој си ти?

Превод: П. В.
Јован Јовановиќ Змај

 

Слични содржини

Секој ден песна
Пандалф Вулкански
Секој ден песна
Секој ден песна
Секој ден песна
Книжевност
Секој ден песна

ОкоБоли главаВицФото