Сиромашната мајка во затвор, криминалците на скијање?!

Пред скоро два месеца ве повикав да собереме средства за Цеце, чија судбина говори за сериозноста на системското насилство со кое се соочуваат жените во Македонија. Во брако-разводната постапка, таа ги изгубила двете деца, чиј старател е нивниот татко. Цеце е долго време невработена и не била во состојба тој период да ја плаќа алиментацијата. Поради тоа, таа сега се соочуваше со казна затвор. Оваа жена никогаш не направила ниту едно кривично дело. Таа е жена и мајка која се бори со сиромаштија и тешкотиите на животот, а не криминалец.

Поради тоа се организиравме неколку жени и успеавме да ја собереме потребната сума од 44.000 денари и да ја уплатиме на сметка на таткото. Истото тоа го соопштивме на судот преку жалбата која ни ја спреми Хелсиншкиот Комитет.

Денес Цеце добива одговор дека жалбата ѝ е отфрлена. ЦЕЦЕ ЌЕ МОРА ДА ОДИ ВО ЗАТВОР И ДА ГО ОСТАВИ СВОЕТО МАЛО ДЕТЕ БЕЗ МАЈКА.

КАЖЕТЕ МИ, КАКОВ СИСТЕМ Е ТОЈ ШТО КАЗНУВА СИРОМАШНА МАЈКА, А ШТИТИ КРИМИНАЛЦИ?

Утре ќе имаме повеќе информации околу стратегиите како понатаму, дотогаш ве молам ширете ја приказнава зошто само со притисок од јавност ќе може да ѝ се помогне.

Извор: Фејсбук профилот на авторката
Фотографија: Џесика Тремп