Гардијан: Тетово најзагаден град во Европа, Скопје на третото место

14.02.2017 12:26
Гардијан: Тетово најзагаден град во Европа, Скопје на третото место

Гардијан објави листа со најзагадените градови во светот, на која најлошо котираат брзорастечките градови од Азија и Африка. Кога е во прашање Европа, Тетово и Скопје се во врвот според загаденоста на воздухот, а меѓу првите десет е и Битола.

Британскиот весник Гардијан својата листа ја базира врз основа на податоците од Светската здравствена организација - СЗО.

Ако не се брои Турција, во Европа најзагаден град е Тетово, на второто место е Тузла во БиХ, додека на третото место е Скопје. Битола е на 9-то место, а меѓу првите десет се и градови од Полска, Бугарија и Црна Гора.

Сепак, ако во европските податоци се вклучат и градовите од Турција, тогаш меѓу првите 10 ќе бидат дури 8 турски градови.

Извор: Кајгана