Осаменост

24.02.2017 04:37

По дваесет години во новата куќа, беше неопходно да се извршат некои ситни поправки. Заменив лајсни, неколку фасонки, ги пополнив ситните пукнатини со кит и гипс. Во моментите кога се одморав во дворот, а небото ја добиваше бојата од чадот на цигарата помеѓу прстите, го забележав ѕвончето, веднаш до влезната врата. Беше невозможно да се притисне таа закоравеност, но по некое време успеав да го разлабавам со помош на чеканче и игла. И додека заглушувачки продорната мелодија ја слушав за првпат, се видов себеси како бавно ја отворам вратата, насмеан и збрчкан. Видов проѕирен старец кој ја зеде формата од чадот и се извиши нагоре, исчезнувајќи.

Извор: Тритонус, Темплум, 2008, Скопје.
Фотографија: Силвија Ганора

Слични содржини

Книжевност

Грижа

Книжевност

Птици

Книжевност

Тетин

Книжевност

Грепка

Книжевност

Генезина

Книжевност

Црвојадина

Книжевност

Огледала

Книжевност

Каде одат очите на пиратите?

Око

СЕКОЈ ДЕН ПЕСНА

Тони Хогланд

Големите очекувања

Чарли мислеше дека ќе стане професионален фудбалер, но наместо тоа стана пациент заболен од рак.

25.04.2024

Вести (time.mk)

Канал 103 .

Боли глава

Арсим Зеколи

„Ви помина ли меракот?”

Среде сето пребројување на гласачите кои гласаа, мудро би било со едно око да се следат и со едно уво наслушуваат пораките на негласачите, како доминантно тело. Нивниот молк може да биде надежен, колку што може да биде злокобен, бидејќи токму тие се семето на поразот скриено во секој триумфализам на часот.

Да повторам, Мицкоски со Силјановска ја прими пораката дека неговото посакувано национално единство е недостижно, подеднакво како што Ковачевски, Ахмети и Таравари треба да разберат дека баладите за ЕУ иритираат кога доаѓаат од корумпирани ноти.

Затоа, кажано со традиционалната саркастичност на домашното сеирџиство, сумираната парола од вчерашните избори е „ви помина ли меракот?” Бидејќи Македонија вчера гласаше „против". Допрва, на 8 мај, ќе се гласа „за".

Арсим Зеколи, Дојче веле, 25.04.24.