Радио МОФ објавува повик за циклус отворени обуки за граѓански активизам

Радио МОФ во рамките на својата програма објавува повик за учесници на обуки за граѓански активизам. Преку запознавање со видовите на застапување и младинското застапување, основната цел на овие обуки е да им обезбеди на учесниците неопходно знаење и вештини за реализирање граѓански иницијативи, да ги поттикне учесниците да размислуваат за младинските политики и да научат повеќе за современите предизвици на младите во општеството.

Циклусот од три обуки за граѓански активизам е на следниве теми:

-Обука за граѓански активизам и иницијативи
-Обука за младински политики и застапување
-Обука за онлајн ангажираност и активизам

Обуките се еднодневни и ќе се спроведат во пет градови на територија на Република Македонија и тоа во: Скопје, Тетово, Велес, Неготино и Струга, за време на викендите, во периодот од 25 март до 9 април.

Кандидатите за учество на обуките треба да ги исполнат следните услови:

-Да се на возраст од 15 до 25 години;
-Да учествуваат во сите три обуки;
-Да покажуваат интерес за вклучување во идни граѓански иницијативи;
-Да покажуваат интерес и разбирање за клучните младински проблеми на локално и национално ниво.

Бројот на учесници е ограничен, a учеството е бесплатно. Обуките ќе се одвиваат на македонски јазик со искусни тренери на полето на младинските права и формите на застапување и активизам.

Распоредот на обуките по градови е следниот:

– Скопје: 26.03 (недела), 02.04 (недела), 09.04. (недела)
– Тетово: 25.03 (сабота), 01.04 (сабота), 08.04. (сабота)
– Велес: 25.03 (сабота), 01.04 (сабота), 08.04. (сабота)
– Неготино: 25.03(сабота), 26.03 (сабота), 09.04. (сабота)
– Струга: 01.04 (сабота), 02.04 (недела), 08.05. (недела)

Сите заинтересирани треба да аплицираат најдоцна до 19-ти март 2017 со испраќање целосно пополнет формулар на следниот линк. За повеќе информации обратете се на petar_antevski@mof.org.mk или контактирајте ја организацијата на: 02/3139 692. Потврда за учество ќе им биде испратена на одбраните учесници по истекот на рокот за пријавување непосредно пред почетокот на тренинзите.

Извор: Радио МОФ