Пратеникот Димитар Стевананџија од ВМРО-ДПМНЕ ги обвини „пе*ерите“ за јавниот долг

Латентната интернализирана хомофобијата на ВМРО-ДПМНЕ добива нови изблици, но сега од позиција на опозиција. Актуелниот пратеник од редовите на оваа партија, Димитар Стевананџија во твитер дискусија ги обвини неистомислениците дека јавниот долг е толкав поради „педерите што ги накотивте и поддржувавте“, небаре тие го оптеретуваат државниот буџет, а во контекст на најавеното ново задолжување на државата за 5,6 милиони евра.

Граѓанската активистка и извршна директорка на Коалицијата „Сексуални и здравствени права на маргинализираните заедници“ во фејсбук статус го искоментира дегутантниот хомофобичен твит на Стевананџија, така што потсети дека истиот тој е „пратеник, платен и од парите на педерите“.

Имено, Буџетот на РМ го полнат и ЛГБТ+ граѓаните, преку плаќањето придонеси и данок за вработените, ПДД за хонорарците, ДДВ на производите итн.

40-годишниот пратеник, родум од Прилеп, има дипломирано на Филолошки факултет „Блаже Конески“ при УКИМ, стекнувајќи се со звање професор по македонски јазик и јужнословенски книжевности. Член е на ВМРО-ДПМНЕ.

https://www.queer.mk