Урнебесна песна на Том Розентал, посветена на Меланија Трамп! Во песната, авторот на духовит начин ги наведува можните начини на кои Меланија може да го спаси светот од Доналд Трамп.
Лудите идеи за ослободување од Трамп во анимација ги „оживеа“ Дејв Андерсон.
Потрошувачка кошничка само за нас тројца е прилично стеснета
Во април годинава, во своето обраќање пред Унијата на млади сили на ВМРО-ДПМНЕ, премиерот Мицкоски изјави дека многудетните семејства се патриотска должност и дека она „јас, мама и тато“ ќе се дополни со „и дада и бато“.
Во истиов месец истиот тој премиер ни соопшти дека минималната потрошувачка кошничка ќе се пресметува за тричлено, а не како досега, за четиричлено семејство. Овој потег на македонскиот Худини нѐ остави со подзинати усти. Каде исчезнаа дада и бато?
Дури и оваа потрошувачка кошничка само за нас тројца е прилично стеснета, односно од неа е извадено она што Мицкоски и неговите министри го дефинирале за луксуз – одмор во странство, цигари и алкохол. Тамам работа, јас, мама и тато да се опуштиме, да отпатуваме или да запалиме цигара со кафето. Тие „мали радости“ треба да останат реалност само за тие што ја имаат привилегијата да нѐ пребројуваат како ќе им текне.