Патриотска должност е ослободувањето од заробеност
Во овој момент јас не мислам дека Министерството за образование и наука го води ниту оваа влада, ниту ВМРО-ДПМНЕ, ниту го води министерката Јаневска. Во овој момент Министерството за образование и наука го водат четири-пет ликови со име и презиме: Гордана Гоџо, Златко Бучковски, Љупчо Ристевски од Евангелската црква и Аргрита Атева, нашинка од Австралија.
Како стигнаа овие неколкумина луѓе, со поддршка на одредена фракција од Македонската православна црква заедно со Евангелската, да станат и посилни и од партијата на власт, е прашање со кое ќе треба да се бават овдешните безбедносни структури.
Проблематично е што овие неколку луѓе, кои ја формираа „Коалиција за заштита на децата“, се луѓе од партијата „Десна“, на Палчо. Тие заедно со Палчо седат на свои подкасти и зборуваат за заштита на децата.
Оттука, станува збор и за многу проблематични групи по однос на демократијата, но јас би рекла дека станува збор и за криминални групи. Во таа смисла, патриотска должност на секој граѓанин на оваа земја е да го ослободи министерството, да ја ослободи власта, да го ослободи образованието од заробеност.
Ирена Цветковиќ, шорткаст „Што има ново?“, 15.04.25.
Со сигурност знаеме дека хомосапиенсот потекнува директно од македонскиот бел стаорец-итроман што пред 65 милиони години, кога умирале џиновските рептили, решил пар децении да престојува во своите подземни простории, во безбеден земјен меур. Кај македонскиот сапиенс тој меур со тек на времето еволуирал во ментален, во една сосем специјална дарба за неразбирање која обично ја нарекуваме глупост.