Дожд

07.08.2017 16:03

Сликата е блиска:
облаците кога се ниско
дождот плиска,
само плиска.

Над село, над град,
над брод, над лаѓа,
дождот паѓа,
само паѓа.

Врз колиби и куќи,
ќерамида и ќепе,
дождот капе,
само капе.

Била трева,
било трска,
дождот прска,
само прска.

И врз китови,
октоподи, сипи,
дождот сипе,
само сипе.

Не може да се влијае,
не може да се крие
пред дождот што лие,
само лие.

В мигов сите раси,
и наши и ваши,
дождот ги кваси,
само кваси.

Приказнава штура
оди накај потоп, бура,
оти дождот истура,
просто истура.

Превод: П. В.

Драгомир Миша Ђорђевић (Земун, 11. март 1953 – Белград, 4. ноември 1999) беше едан од најдаровитите српски поети за деца.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото