Цртанка

08.08.2017 13:35

Дај ми две‒три чисти
хартии но исти

и молам молив еден
за цртежот да биде среден.

Дај ми прво жолта боја
да обојам парче проја

па со неа потоа ќе фатам
и Сонцето да го позлатам.

Ми треба и сина
небото да го минам

и вода да има за бродот
и за сводот.

Кајшто пасат два елена
за тревата ќе треба зелена

и плус поради речиси триста
на дрвото закачени листа.

Сега дај црвена за ќерпич нов
и за ќерамидата на кров

и заради едно таму лице
и за лубениците во двор.

Дај ми и боја бела
ми треба за пола пчела

и пак жолта со белата
дај навака, ела.

Дај ми и боја црна
да нацртам срна

да замачкам
залутана мачка

да обојам плочка
и да удрам точка.

Превод: П. В.

Stevan Raičković (1928 — 2007) беше српски поет и академик. Објавил повеќе од 20 стихозбирки, седум книги за деца, неколку книги со есеи. Познат е и како преведувач на руската поезија.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото