1005 hPa
76 %
11 °C
Скопје - Чет, 25.04.2024 05:59
Била една бубамара,
сета шарена ко шара,
ко шара сета шарена,
а малецка, а малецка ‒
сосема олкуцка:
како среќа.
Ми долетала од цвеќа.
На дланка ми застана толку мала,
еднаш, како од небо да паднала,
токму таа бубамара,
сета шарена ко шара,
ко шара сета шарена,
а малецка, а малецка ‒
сосема олкуцка:
како среќа.
Ми долетала од цвеќа.
И по дланката ми шета
како светот да го лета,
целата занесена, занесена,
баш таа мала бубамара,
сета шарена ко шара,
ко шара сета шарена,
а малецка, а малецка ‒
сосема олкуцка:
како среќа.
Ми долетала од цвеќа.
Се вртам кон цвеќето,
во цвеќето има среќа,
оттаму е таа бубамара,
сета шарена ко шара,
ко шара сета шарена,
а малецка, а малецка ‒
сосема олкуцка:
како среќа.
Целата од цвеќа.
Превод: П. В.
Velimir Milošević (1937-2004), поет за деца од Босна и Херцеговина, некогашна ѕвезда на Утринската програма на Радио Сараево. Делата му се преведени на десетина јазици.