1006 hPa
56 %
20 °C
Скопје - Сре, 24.04.2024 12:59
Некој кој ме знае...
Да постои некој кој ме знае
како јас самиот себе,
ќе му дадев нешто скриено и најмило:
малите работи од моето срце
и радоста налик на роса по долга ноќ.
Ах, ми недостасува
некој кој ме знае така
како што самиот
се гледам в сон.
Од мирисот на врел жад
љубовта гори.
Од густиот чад
не се наѕира љубовта на моето срце.
Превод: П. В.
Ким Јонг Ранг (1903-1950), корејски поет. Вистинското име му е Ким Јун Шик. Завршил студии по англиски јазик во Јапонија. Првата стихозбирка ја објавил во 1935 година. Бил изразит лиричар. За големиот придонес кон развојот на корејската култура одликуван е со Златниот орден за култура.