Огледала во 4 часот наутро

Мора да им се приближиш странично
во соби со пајажини од сенки,
да украдеш глетка од нивната празнотија
без да те фатат
во својот поглед за возврат.

Тајната е,
дури и празниот кревет им е товар,
изговор.
Повеќе се тоа што се
во друштво на празниот ѕид,
во друштво на времето и вечноста

кои, извинувајќи ти се,
не оставаат одраз
додека сами си се восхитуваат во огледалото,
а ти стоиш скрајум
и вадиш шамивче
за скришум да си го забришеш челото.

Превод: Зоран Анчевски