Работилница за родители и деца со посебни потреби

Како да се препознае дали моето дете има проблем со развојот? Кога треба да се интервенира? Како е да се живее со попреченост? За сексуалното и репродуктивно здравје на лицата со попреченост? Какви права и услуги имаат лицата со попреченост?

Овие прашање се секојдневни и од медиумите и од родителите.

Одговор, објаснување и дружење ќе има работилницата во недела 08 октомври 2017 во Јавна соба во 13 часот.

Хелсиншкиот комитет за човекови права на Република Македонија организира работилница за лица и родители на деца со посебни потреби. Настанот е во рамките на проектот “Поддршка од граѓанското општество кон политиките за социјална кохезија и различностите” кој е поддржан од Британската амбасада во Македонија.

Целта на настанот е размена на искуства меѓу лицата и родителите на деца со посебни потреби и мотивирање на самите лица за земање активно учество во општествениот и културниот живот. Раземна на искуството на Македонија и Велика Британија

Гости на настанот ќе бидат танчерите од танцовото студио за лица со посебни потреби - Ларондина од Велика Британија.

Училиштето постои дванаесет години и има значајни достигнувања како на национално, така и на меѓународно ниво. Во оваа прилика тие ќе ја споделат приказната околу потребата за формирање на вакво училиште и нивната работа, раскажувајќи кој е нивниот мотив за успех.