Ловџиска саботажа

Фирус Мемед бил заменик директор во Агенцијата за храна и ветерина и ми велат сега ќе биде и директор.

Јас се плашев дека луѓево немаат критериуми за назначување директори.

Сум згрешила.

Имаат.

Треба да бидеш признат и познат криминалец за да добиеш директорско место во државна институција.

“Четири години заменик директор на Агенција за храна и ветеринарство е Фирус Мемед иако е осуден за четири кривични дела во 2015 година. Мемед кој во тоа време бил директор на Државниот инспекторат за животна средина го признал делото за четирите кривични дела и бил казнет парично, потврдија за НОВА од Основен суд Скопје 1. Поранешниот директор на Државниот инспекторат за животна средина бил уапсен и лишен од слобода на 19.10 2015 година.“

(https://novatv.mk/nova-doznava-vtoriot-chovek-na-agentsija…/)

Ова најмногу ми се допадна: “Во Владата велат дека по добиената информација во однос на лицето, започнале проверка на фактичката состојба и по завршувањето на сите проверки и утврдување на околностите, Владата ќе даде конкретен одговор како ќе постапува понатаму.“

Провериле. И заклучиле дека треба да биде директор.
Да му се даде шанса.

Мирјана Најчевска, Фејсбук, 29.09.20.