1009 hPa
75 %
6 °C
Скопје - Саб, 20.04.2024 06:59
Документи што треба да се уништат
Дали тоа се љубовни писма? Компромитирачки фотографии? Младешки песни? Текстови од тајни секти? Навистина ги има доста. Дали треба да се фрлат в ѓубре? Да се запалат, но каде?
Тој ги цепка и ги фрла во клозетската шолја. Ја повлекува водата. Следниот ден, во неговата работна соба влегува жената, сосема возбудена: „Ти фрли... ти, зарем не?“ Тој пребледе и молчи. Со зарипнат глас: „Што?“ Таа: „Дојдоа работници, мораат да го искршат ѕидот, се затнала цевка, велат дека...„ Тој: 'Што? Што? Што?“ „Велат, се заплеткале цревата. Едно девојче, исечено на парчиња...“
Лошо задоволство
Добро правите што сте надуени, вие младите. Ние старите сега сме за фрлање. Светот е веќе ваш и вие во вашата намера со него да располагате по желба, имате потполно право. Од нашите погреби се враќате дома со неверојатен апетит, полни со живот и планови. Навечер, кога ќе легнувате, ќе осетите далечна болка од десната страна на желудникот, за сега, болка на која не треба да & се обрнува внимание.
Вез: Adipocere
Превод: П. В.
Дино Буцати (1906-1972) е познат италијански писател. Пишувал раскази, романи, поезија и драми, сликал, цртал стрипови, илустрирал. Долго време во животот работел како новинар. Негови познати дела се збирките раскази „Продавница на тајни“ и „Тешки ноќи“, романот „Татарска пустина“ и др. Расказот што ви го претставуваме денес е земен од последната книга со која постигнал успех, како кај читателите така и кај критиката - „Тешки ноќи“.