Урбана герила акција: Тито и Гоце Делчев бараат чист воздух

Нова урбана герила акција во Скопје. Синоќа на неколку локации во градот се појавија постери со познати личности од македонската и светската историја со маски за кислород со цел да се алармира за енормното аерозагадување во Скопје.

Огранизаторите на оваа герила акција напишаа:

„Овие луѓе се меѓу нас… Секој од нив е пример за чувството што секојдневно го имаме кога ги отвораме очите. Ако Гоце Делчев го разбираше светот како поле за културен натпревар, каков би бил неговиот став денес?

Или и тој со својот револуционерен дух би се борел против оваа догма на колективно самоубиство? Сите сакаме и мораме да дишеме! А за тоа ни е потребен воздух! Креваме глас против смогот!“