1005 hPa
48 %
15 °C
Скопје - Сре, 24.04.2024 20:59
Саудиска Арабија ќе дозволи отворање на јавни кино-сали, а првите најверојатно ќе бидат отворени во март 2018 година, соопштува Министерството за култура и информирање на оваа земја.
„Како индустриски регулатор, Генералната комисија за аудиовизуелни медиуми го започна процесот на лиценцирање на кина во Кралството“, изјави министерот за култура на Саудиска Арабија Салех Алауад.
Во Саудиска Арабија кината се затворени од осумдесеттите години на минатиот век, за време на бранот на ултраконзервативизам во земјата, пренесува АП со констатација дека тоа ќе бидат први кина кои се отвораат во оваа држава по цели 35 години.
Како што се наведува, престолонаследникот Мухамед бин Салман настојува државата повеќе „општествено да се отвори“, што подразбира укинување на забраната за жените да возат, да се одржуваат концерти и друг вид забава.
Извор: B92