1009 hPa
87 %
10 °C
Скопје - Чет, 25.04.2024 21:00
На 3 февруари во Музејот на современа уметност во Скопје со почеток од 19 часот ќе се одржи презентација на работата на италијанскиот фотограф Стефано Перего.
Главна сфера на интерес на Перего е модернистичката архитектура од дваесетиот век. Цел на неговото гостување во Скопје е презентација на неговата работа, документирање на архитектурата во периодот од земјотресот до денес и фотографирање на бруталистичката архитектура во Скопје.
Предавањето на Перего го носи насловот „Фосилизиран модернизам“.
На интерактивното предавање неговата работа ќе биде презентирана преку документирани материјали, импресии и критики, преку што студентите по архитектура и други сфери сродни на архитектурата, како и другите заинтересирани гости ќе имаат можност да се запознаат со работата и искуствата на овој фотограф.
Модератор на настанот ќе биде архитектката Сара Симоска.
Предавањето на Стефано Перего е организирано во соработка со МЕЛЕЕМ Скопје.