1007 hPa
76 %
9 °C
Скопје - Чет, 18.04.2024 08:59
ПичПрич, гала вечерта на раскажување женски приказни ќе се одржи вечерва (8 март), во Кино Милениум, со почеток во 19 и 30 часот. Темата на годинашново издание е „Добив“.
Оваа година ПичПрич добива регионална поддршка со гостувањето на писателката и феминистка Асја Бакиќ. Таа во 2017 година со својата збиркa песни и раскази е прогласена за една од десетте најинтересни автори во Европа, а позната е по тоа што е основач и уредник на феминистичкиот портал „Муф“.
Останатите говорнички се: Ана Јакимска, наша млада наградувана и веќе позната режисерка; Марија Џонс, преведувачка, активистка за работнички права и кандидатка за градоначалничка на Скопје; специјалната обвинителка Фатиме Фетаи, Маја Мухиќ, професорка на Универзитетот на Југоисточна Европа, теоретичарка и феминистка, како и актерката и активистка Симона Спировска.
Проектот е финансиран од Фондацијата Отворено општество – Македонија.