1007 hPa
42 %
17 °C
Скопје - Саб, 20.04.2024 12:59
Ѕвездата на норвешкиот композитор Стале Клејберг (Ståle Kleiberg) полека се издига сè повисоко последнава деценија, откако ја доби втората Греми награда за операта од 2013, Давид и Витсавеа (David and Bathsheba). Неговиот ораториум, Миса за современиот човек (Mass for the Modern Man), го компонира по две години и, како и во останатиот дел од неговата музика, главно преовладуваат силни емоции.
Компониран во осум делови за два солисти (сопрано и баритон), мешан хор и оркестар, ораториумот употребува традиционални текстови од Латинската миса, движејќи се меѓу обичајните реквиеми на мисата и три нови пасуси на англиски од Џесика Гордон, либретистката на Давид и Витсавеа. Поставувајќи го прашањето „можна ли е вербата за современиот човек?“, темата на делото е зајакната од воочливите, трогнувачки интерполации на Гордон и карактеристично богатата музика на Клејберг, нагласена со вметнати нијанси и убавина која ве вовлекува.
Миса за современиот човек, дело кое цели да ги опфати „загубата на егзистенцијално значење како антитеза на верата и вербата“, е разнежнувачко дело кое ќе ве убеди во ужалената болка во латинските текстови, спротивставена на тивката лутина и обвинение на вињетите на Гордон, кои преставуваат бегалец, смрт на дете и потиштувачко, сеприсутно чувство на сомнеж. Збирот на ова цели кон сложеност – решението, какво и да е, нема да е лесно, сугерира делото – додека Клејберг со сочувство, но несигурно, се придвижува кон страната на промена и напредок.
Музички, доминира омекнат тоналитет, а Клејберг создава одолговлечен, хипнотичен лирски сјај кој на места е засенет од намерното акцентирање на една нота за секој слог, за да се нагласи целната ‘порака’ на текстот. Слична на Воен реквием на Бенџамин Бритен и Полски реквием на Кристоф Пендерецки, ова е изразито секуларна миса (иако тука завршуваат споредбите), која црпи влијание од Германскиот реквием на Брамс, во спокојот на замислената, нео-романтичарска лирика, ако не во обем.
Ејвинд Гулберг Јенсен, кој ја диригираше премиерата на делото, извлекува милозвучни, нежни мелодии од неговите Трондхајмски сили – приспособливиот и посветен хор, кој е сразмерно составен и целосно понесува. Јасногласната сопрано вокалистка Мари Ериксмен и жизнениот баритон Јоханес Вајсер имаат феноменална изведба, пеејќи со опипливо чувство – ‘Загубата на дете’ е особено болно изведена – иако на моменти звучат соголени од склоноста на Клејберг кон ниска, одмерено зајадлива музика.
Снимениот звук е прекрасно широкопросторен (дури и премногу во поинтимните моменти), а музиката има многу да прикаже, не само во суштинската отмена грациозност и лирска широкоградност на Клејберг.
извор: primerphonic.com