1006 hPa
67 %
15 °C
Скопје - Чет, 25.04.2024 14:59
Денес мислев на тишината на твојата бас-
-гитара, на тишината меѓу нас.
Жарче ми слета врз прстот како бубамара
– знак дека ќе те сретнам пак –
и остави кружна трага: џиш црвено камче
на невидлив прстен. Веројатно
веројатноста на наоѓањето се заснова врз
причината со која бараш, а јас
те барав без причина, бран што посегнува
по мембраната на браната, па
се повлекува. Денес мислев на мојата кожа,
изгорена, и на годините тишина
што му требаше на моето тело да се обнови;
да заборави некои зборови.
Луѓето претпочитаат да читаат приказни
со среќни краеви. Но, којзнае
ова како ќе заврши, којзнае постоеше ли
ова без тебе, којзнае каде си.