1006 hPa
72 %
13 °C
Скопје - Чет, 25.04.2024 09:59
Според податоците што визуелно ги презентираше Рефлектор, 26,8 отсто од граѓаните очекувале од Владата да се посвети на отворање на повеќе нови работни места, а 26 отсто на прашањето: Што сакате да видите од оваа влада? одговориле дека сакаат економски развој.
9 отсто од анкетираните бараат од владата подобро здравство, 6,4 отсто подобра социјална заштита, 6, 3 отсто очекуваат решавање на прашањето со името, а 5,3 отсто приближување кон влез во ЕУ и НАТО.
Наспроти очекувањата на граѓаните за приоритетните проблеми во државата, на прашањето: На која област Владата посвети најмногу внимание во изминатите 12 месеци - 36,3 отсто одговориле: на името.
22,4 отсто од испитаниците одговориле дека владата најмногу внимание посветила на ЕУ и НАТО. 3, 9 отсто мислат дека владата најмногу се посветила на надворешната политика. Додека најмал број од граѓаните мислат дека владата се посветила на отворање нови работни места – 2,9 отсто, на земјоделие – 1,9 отсто додека само 1,7 отсто од граѓаните мислат дека владата се посветила на подобрување на здравството.