1006 hPa
73 %
18 °C
Скопје - Сре, 24.04.2024 11:59
Речи дека е бело - и црното и белото.
Паси со ред - и какол и пелин.
Бело - одвнатре и однадвор
На стежнатото бовче - твоето тело.
Речи дека е бело:
Она што се готви горе,
Она што крчка долу.
Сеедно и казанот
Како сопствената чинија ќе го излижеш.
Речи дека е бело:
И кога страчка страчи,
И кога гавранот ќе слета на покривот.
Рајот и пеколот, и сè што е земно.
Колективната цицка, колективното јајце.
Вели - бело,
Тргни по џганот и стадото
Пеејќи песнички од читанките.
Намали го уделот на личното,
Ќе ти биде полесно кога ќе издишуваш.
Биди подготвен - вели дека е бело:
И дење и ноќе, на Господа и на Пилат
И на овдешниот брат.
Секогаш сит, секогаш во ерекција,
Следбенику на новата религија
Оди на сите четири.
Превод: Бранко Цветковски