1009 hPa
55 %
14 °C
Скопје - Пет, 19.04.2024 16:59
Тајванскиот уметник Дученг Шеј зборува за своите неверојатни уметнички подвизи и за неговото сфаќање на времето и животот.
Уметникот Дученг Шеј (Tehching Hsieh) е роден во Тајван во 1950 година, но во раните 1970-ти се преселил во Њујорк, каде што упорно создавал уметност до 2000 година кога конечно и потврдува дека помеѓу уметноста и животот постои знак равенство.
Неговото творештво е карактеристично по тоа што посветува долги и прецизно одредени временски периоди на неговите репетитивни проекти кои целосно го преокупираат и обземаат. Сериозно посветен на испитувањето на односот на минувањето на времето и повторувачките активности кои го сочинуваат животот, тој поминал една година заклучен во мала просторија и тринаесет години создавајќи уметност што никој друг не ја видел.
За ова дело, насловено „Едногодишен перформанс“ (One Year Performance, 1980-81), Шеј во текот на една цела година, секој час ја отчукувал картичката на временски часовник и притоа се фотографирал, создавајќи фасцинантна колекција која зборува за нејасната граница меѓу репетитивноста и неповторливоста.
Погледнете го видеото во кое тој зборува за своето искуство и за неговото сфаќање за односот помеѓу уметноста, времето и животот.
Извор: NOWNESS