1006 hPa
72 %
13 °C
Скопје - Чет, 25.04.2024 09:59
Спомените за Скопје се зачувани и преку славните градски ликови. Животната сторија на Тефо, Тефик Абдула (1941-1991), не е многу позната, но секако е препознатлив по неговиот омилен инструмент, примот (мала тамбура).
По струка, Тефо бил столар (тишлер), како и неговиот татко. Бил вработен во претпријатието „29 Ноември“, чија специјалност била дрвенаријата и обработката на стакло, а еден период работел во Полска. Поради напреднатата спондилоза, тој по враќањето, се повлекол во пензија и оттогаш целосно се посветил на музиката.
Како што пишува Данило Коцевски „Познатиот Тефо музицирал во кафеаната (на Жабарот) долги години. Првото музичко трио го сочинувале: Ангеле на гитара, Тефо на прим и кој друг ако не Жабарот – на дајре. Тогаш кафеаната имала само три маси со по три стола. Кога музиката им пречела на комшиите, се симнувале долу, покрај Вардар.“
Тефо починал во 1991 година, на педесетгодишна возраст, а за неговиот погреб на кој присуствувале голем број луѓе, сѐ уште се раскажува. Според многумина тој бил еден од најавтентичните скопски боеми.
Извор: YouTube (via Saso Dimoski)