1012 hPa
100 %
6 °C
Скопје - Пет, 26.04.2024 00:59
Јас сакам да напишам денес поема
во која да дише
на новото време стих волен.
Да трепери в неа крилатиот гордиот демон,
што светот го демне од пол до пол.
И зошто е таму тој плач?
Зошто воздивнуваат луѓето
по некаква романтика истината?
Романтика се сега моторите што пеат по небото сино.
И без да ја сфатат таа песна горда,
се муртите в лудо, без сила.
Ја носи таа човечката бодрост
на силните челични крила.
Ги гледам во утрето јатата црни
кај прскаат семиња - чудо!
Во нивните песни згора што врнат
слободата блика и трудот.
Ги гледам како над мориња летаат
и горе, над екваторскиот пек,
зелените полиња под нив светат
и светка арктичниот снег.
Тоа е новата романтика која
се раѓа
и добива свој сјај.
И во двокрилното јато се рои,
го крстари светот
од крај до крај.
(1940)
Превод: Томе Арсовски