1005 hPa
48 %
15 °C
Скопје - Сре, 24.04.2024 20:59
Ги менуваше маските, љубов моја,
Се оддалечуваше и се приближуваше
Како Итака.
Ми приоѓаше
На врвовите од прстите
Излегуваше од старите дворови,
Собираше леб од ѓубриштата
Се натрупуваше како снег,
Се топеше, исто така.
Пред мене бегаше како тетреб,
Лежеше како заклана еребица.
Се стуткуваше под јорганот.
Богохулеше.
Во молитва ги склопуваше рацете.
Постојано ја носеше маската.
Твоето вистинско лице го видов
Дури утринава, на перницата
Од вдлабнатинката на главата
Која веќе не беше тука.
Превод: Бранко Цветковски