Радмила Лазиќ победи на третиот натпревар „Овде паѓаат крупни зборови“

09.09.2018 22:43
Радмила Лазиќ победн на натпреварот „Овде паѓаат тешки зборови“ на Друга приказна 018

На третата вечер на скопскиот книжевен фестивал „Друга приказна“, што се одржува во МСУ, беа претставени творештвата на познатата српска поетеса Радмила Лазиќ, потоа и на Даница Вукиќевиќ со кои разговараше Оливера Ќорвезироска. Никола Гелевски го претстави гостинот од Србија, Енес Халиловиќ. Публката се запозна и со младиот црногорски поет и сценарист Стефан Бошковиќ низ разговорот што го водеше Калиа Димитрова.

Веднаш потоа се одржа промоцијата на книгата „Утехата на Адамовото дрво“ во издание на „Готен“, а со авторката Инга Жолуде од Литванија, разговараше Владимир Јанковски.

На дебатата насловена „But thy name that is my enemy“ учествуваа Марко Погачар од Хрватска, Тања Ступар-Трифуновиќ од Босна и Херцеговина и Дејан Илиќ од Србија. Дебатата ја модерираше Артан Садику.

Како и секоја година најмногу публика привлекува натпреварот „ОВДЕ ПАЃААТ КРУПНИ ЗБОРОВИ“, во кои писателите имаат две минути да ги кажат своите мали новели или песни, а петчлена жири комисија ги оценува со оценки од 1 до 5, апубликата навива за своите фаворити. 

Годинава ушествуваа: Оља Савичевиќ Иванчевиќ, Марко Погачар, Радмила Лазиќ, Енес Халиловиќ, Стефан Бошковиќ, Иван Димитров, Биљана Космогина, Стефан ТиЌми (Митиќ), Тања Ступар-Трифуновиќ, Владимир Лукаш, Ивана Харикли, Ѕвездан Георгиевски, Ненад Јолдески, Сања Михајловиќ Костадиновска, Иво Петровски, Зоки Спијач, Далибор Плечиќ, а водители беа Ѓоко Здравески и Прота Шкарт.

Писaтелите читаа во неколку кругови, а до финалето стигнаа Енес Халиловиќ и Радмила Лазиќ, која беше победничка.

Друга приказна 

Фотографии: Јелена Белиќ

Слични содржини

Фотографија / Живот / Спорт / Настан

ОкоБоли главаВицФото