„Black raw memory“ – изложба на Владимир Фрелих во МСУ

18.09.2018 01:43
„Black raw memory“ – изложба на Владимир Фрелих во МСУ

Во Музеј на современата уметност, на 18 септември (вторник) од 20 часот ќе биде отворена изложбата „Black raw memory“ на хрватскиот уметник Владимир Фрелих.

„Нештата што не опкружуваат и со кои сме во некаков вид на односи, оставаат во нас емотивна трага. Колку и да сме индиферентни кон одредена работа или пак субјективно заинтересирани, на крајот сѐ може да се сведе на две категории: на нашиот позитивен или негативен став. Низ позитивна призма го гледаме сето она од што не сакаме да се ослободиме, она со што се опкружуваме, што го собираме и претрупуваме, градејќи слика за себе. Другото, што од каква било причина не ни се допаѓа и го сметаме за потрошено, расипано или непријатно, ако не со брза одлука, тогаш постепено го поттиснуваме од себе, складирајќи го на некое место кадешто нема да ни се испречува и да не потсетува во секој момент. Со време тоа место е сѐ поодалечено од нас. Поединци, општества, институции, села, градови, држави, секојдневно ги отфрлуваат деловите од својот мемориски и материјален идентитет, градејќи за себе утописка, епско-идеална слика во огледало“, стои во најавата за изложбата.

Владимир Фрелих е уметник што се занимава со концептулно мултимедиски дела, кои доаѓаат често до граничните подрачја на медиумот. Од 2007 е професор на Уметничката академија во Осиек на отсекот за мултимедиуми, а од 2010 е гостин професор на Академијата за уметности во Нови Сад.

 

Слични содржини

Уметност

ОкоБоли главаВицФото